7. ნიუტონის კანონების გამოყენება III

7.56.        ჰორიზონტალურ ზედაპირზე მოთავსებულ სხეულზე ამოქმედდა ჰორიზონტალურად მიმართული ძალა, რომელიც სიმძიმის ძალის ტოლია. t დროის შემდეგ ძალამ შეწყვიტა მოქმედება, ხოლო კიდევ 3t დროის შემდეგ სხეული გაჩერდა. განსაზღვრეთ ხახუნის კოეფიციენტი [μ=0.25]

7.58.        ჰორიზონტალურ მაგიდაზე ასანთის კოლოფს უბიძგებენ. თუ ბიძგის სიჩქარეა v₁, მაშინ კოლოფი გაჩერებამდე 16 სმ-ს გადის. თუ სიჩქარე v₂-ია, გავლილი მანძილი 36 სმ-ია. რა მანძილს გაივლის კოლოფი, თუ მას v₁+ v₂ სიჩქარით ვუბიძგებთ [100 სმ]

7.61.        განსაზღვრეთ ტვირთების აჩქარებები წარმოდგენილ სისტემაში (იხ. ნახატი). ჭოჭონაქები და ძაფი იდეალურია. [ a₁=a₂=0,2g; a₃=0,6g]

7.62.        მავთულის ვერტიკალურ ცილინდრულ სპირალზე მუდმივი სიჩქარით   მისრიალებს მძივი. იპოვეთ  სრიალის სიჩქარე. ხახუნის კოეფიციენტია μ, სპირალის რადიუსია R, სპირალის ბიჯია h. 





7.63.        განსაზღვრეთ ტვირთების აჩქარებები წარმოდგენილ სისტემაში (იხ. ნახატი). ჭოჭონაქები და ძაფი იდეალურია.

7.71.        ნახატზე გამოსახულ სისტემაში არაა ხახუნი, ხოლო ძაფი და ჭოჭონაქები იდეალურია. რომელ მხარეს იმოძრავებს ტვირთი M, თუ ძაფს 1 ან 2 მიმართულებით მოვქაჩავთ? [ 1) უძრავი იქნება 2) მარცხნივ]

7.73.         * ძნელია-სცილდება სასკოლო პროგრამას*  წრიული რკალის ფორმის სითხით შევსებულ მილაკში ჰაერის ბუშტია (იხ. ნახატი). მილაკი მოძრაობს ჰორიზონტალური აჩქარებით და ბუშტი გადაიხარა ვერტიკალური მებარეობიდან α კუთხით. რომელი მიმართულებით და რა აჩქარებით მოძრაობს მილაკი? [მარჯვნივ; a=g·tgα]

7.82.        α-კუთხიანი სოლი მოძრაობს ჰორიზონტალურად a აჩქარებით (იხ. ნახატი). დახრილი სიბრტყის მიმართ რა a₁ აჩქარებით იმოძრავებს მასზე მოთავსებული m მასის ტვირთი? ხახუნი უგულელებჰყავით. იპოვეთ სიბრტყეზე ტვირთის წნევის ძალა N.

7.75.        განსაზღვრეთ აჩქარებები, რომლითაც ცილინდრი და სოლები მოძრაობენ (იხ. ნახატი).  ცილინდრის მასაა m, თითოეული სოლის - M. სოლის ფუძესთან მდებარე კუთხეა α. მოძრაობა შეზღუდულია ჰორიზონტალური სიბრტყით. ხახუნი არ არის.

7.78.        m მასის სხეული უძრავად ძევს დახრილ სიბრტყეზე, რომელიც ჰორიზონტალურ სიბრტყესთან α კუთხეს ადგენს. რა მინიმალური ძალა უნდა მოვდოთ სხეულს სიბრტყეების გადაკვეთის წრფის გასწვრივ, რომ ის დავძრათ? ხახუნის კოეფიციენტია μ.

7.82.        *სცილდება სასკოლო პროგრამას* α-კუთხიანი სოლი მოძრაობს ჰორიზონტალურად a აჩქარებით (იხ. ნახატი). დახრილი სიბრტყის მიმართ რა a₁ აჩქარებით იმოძრავებს მასზე მოთავსებული m მასის ტვირთი? ხახუნი უგულელებჰყავით. იპოვეთ სიბრტყეზე ტვირთის წნევის ძალა N.

7.84.        დახრილ სიბრტყეზე მოათავსეს m მასის სხეული. ხახუნის კოეფიციენტია μ. გამოიკვლიეთ სხეულის აჩქარების დამოკიდებულება სიბრტყის ჰორიზონტისადმი დახრის α კუთხეზე. 

7.86.        რა მაქსიმალურ S მანძილზე შეძლებს ასვლას სხეული დახრილ სიბრტყეზე, თუ მისი სიჩქარეა v₀ ? განსაზღვრეთ სხეულის ასვლის t₁ და ჩამოსვლის t₂ დროები. დახრის კუთხეა α, ხახუნის კოეფიციენტი - μ.

 7.88.        m მასის ბორბალი მუდმივი სიჩქარით მოგორავს დახრილ სიბრტყეზე. იპოვეთ სიბრტყის რეაქციის ძალა. [ R=mg ვერტიკალურად ზევით]

7.88.        რა სიდიდის ჰორიზონტალური F ძალა უნდა მოვდოთ m₂ ძელაკს, რომ მან a აჩქარებით იმოძრაოს? ძელაკებს შორის ხახუნის კოეფიციენტია μ, ძელაკსა და მაგიდას შორის ხახუნი არ არის, ძაფი და ჭოჭონაქი იდეალურია (იხ. ნახატი).